ANUNCIO

OE - PROCEDEMENTO DE SELECCIÓN DO ALUMNADO-TRABALLADOR DO OBRADOIRO DE EMPREGO “CONSTRUÍNDO FUTURO”.

DATA DE PUBLICACIÓN NO TABOLEIRO DE ANUNCIOS DO CONCELLO: 5 DE OUTUBRO DE 2021.

EXPTE.: 2021/E001/000015

listaxe de candidatos REMITIDA POLO SERVIZO PÚBLICO DE EMPREGO DE GALICIA

(Oferta de emprego núm. 12-2021-10004)

De conformidade co disposto nas Bases da convocatoria para a selección do “Alumnado-traballador e persoal do obradoiro dual de emprego “Construíndo futuro”, ao abeiro da subvención concedida no marco da Orde do 31 de decembro de 2020 da Consellería de Emprego e Igualdade, pola que se establecen as bases reguladoras das axudas e subvencións para os obradoiros duais de emprego da Comunidade Autónoma de Galicia e se procede á súa convocatoria para o ano 2021 (DOG núm. 22, do 3 de febreiro de 2021), cuxas bases foron aprobadas por Decreto da Alcaldía de data 1 de outubro de 2021 e publicadas no taboleiro de anuncios do Concello e na Sede Electrónica do Concello de Camariñas en data 04/10/2021, unha vez remitida polo SEPEG a listaxe de candidatos (Oferta de emprego núm. 12-2021-10004), esta faise pública, dispoñendo as persoas interesadas incluídas na mesma de dous días hábiles, a contar desde a publIcación no taboleiro de anuncios do concello, para presentar a súa solicitude de participación no proceso de selección.

As solicitudes presentaranse, no modelo normalizado que figura como anexo nas bases da convocatoria, dirixidas á sra. Alcaldesa-Presidenta, e virá acompañada da seguinte documentación:

• DNI (copia)
• Informe de vida laboral
• Titulación académica
• Se se solicita a especialidade EOCB0211 Pavimentos e albanelería de urbanización, documentación acreditativa dos requisitos para poder acceder a formación dun certificado de nivel 2.
• Xustificante de ter unha discapacidade igual ou superior ao 33% (de ser o caso)
• Xustificante de participación en IPI (de ser o caso).
• Xustificante de muller vítima de xénero (de ser o caso).
• Xustificante de persoa emigrante retornada (de ser o caso).
• Documentación que acredite o resto dos criterios de valoración que aparecen nas bases de SELECCIÓN DE PERSOAL PARA OBRADOIRO DUAL DE EMPREGO “CONSTRUÍNDO FUTURO” publicadas no Taboleiro de anuncios do Concello o 4 de outubro de 2021.

A listaxe de persoas admitidas/excluídas publicarase na sede Electrónica do Concello de Camariñas o venres día 8 de outubro de 2021.

A selección mediante cuestionario será o luns día 11 de outubro de 2021, ás 11:30 horas, no salón de actos da “Casa de Pedra de Camariñas”, praza de Insuela, núm. 54 - Camariñas.

Camariñas, asinado dixitalmente na data que figura na marxe pola Alcaldesa Dª Sandra Insua Rial.