EXP: 2025/G013/000001

Anuncio publicado no BOP nº 105 de data 04/06/2025

ANUNCIO

APROBACIÓN INICIAL DO REGULAMENTO DO CEMITERIO MUNICIPAL DO CONCELLO DE CAMARIÑAS.

O Pleno do Concello de Camariñas, en sesión ordinaria celebrada o 28 de maio de 2025 adoptou o acordo de aprobar inicialmente o Regulamento do Cemiterio Municipal de Camariñas.

Someter dito Regulamento á información pública e audiencia dos interesados, con publicación no Boletín Oficial da Provincia e taboleiro de anuncios do Concello, polo prazo de trinta días para que poidan presentar reclamacións ou suxestións, que serán resoltas pola Corporación.

Simultaneamente, publicar o texto do Regulamento no portal web do Concello co obxecto de dar audiencia aos cidadáns afectados e solicitar cantas achegas adicionais poidan facerse por outras persoas ou entidades.

De non presentarse reclamacións ou suxestións no mencionado prazo, considerarase aprobado definitivamente sen necesidade de acordo expreso polo Pleno e o Acordo de aprobación definitiva tácita do Regulamento, co texto íntegro da mesma, publicarase para o seu xeral coñecemento no taboleiro de anuncios do Concello e no Boletín Oficial da Provincia.

Así mesmo, estará a disposición dos interesados na sede electrónica deste Concello.

Ademais, remitirase á Administración do Estado e ao Departamento correspondente da Comunidade Autónoma, no prazo de quince días, a certificación que acredite a elevación a definitiva da aprobación inicial, así como copia íntegra autenticada.

En Camariñas, a 29 de maio de 2025

A  Alcaldesa:

Asdo: Sandra Insua Rial