Castellano
Detalle trámite
Quedan suxeitos ao réxime de intervención municipal de comunicación previa os actos de uso do solo e do subsolo non suxeitos a licenza (están suxeitos a licenza os actos que requiren proxecto de edificación e outros supostos) e, en todo caso, os que así se establezan nas leis. Quen promova actos de uso do solo e do subsolo comunicará ao concello a intención de levar a cabo o acto cunha antelación mínima de quince días hábiles ao da data en que pretenda comezar a súa execución.
Con carácter xeral, transcorrido o prazo de quince días hábiles sinalado, a presentación da comunicación previa cumprindo con todos os requisitos esixidos constitúe título habilitante para o inicio dos actos de uso do solo e do subsolo suxeitos a ela, sen prexuízo das posteriores facultades de comprobación, control e inspección por parte do concello.
(Art. 142.3 e 146 da Lei 2/2016, do 10 de febreiro, do solo de Galicia).
Calquera persoa física ou xurídica que desexe comunicar o inicio dunha obra.
Preferentemente de forma telemática a través do botón "Iniciar trámite". Se a persoa interesada non utiliza a vía telemática, poderá descargar o impreso ou impresos dende está páxina ou acudir ao rexistro do Concello, onde lle facilitarán o dito impreso/s normalizado/s para presentar.
NOTA: A documentación técnica tramitada a través da plataforma de traballos profesionais do COAG ou outros colexios profesionais non terá que ser achegada; só se terá que indicar na instancia o código correspondente.
- Comunicación Previa de Obra.
- En caso de actuar en representación, copia dos documentos de identidade da persoa representante e da persoa interesada, coa autorización escrita desa última ou copia do poder para actuar en representación.
- Descrición suficiente das características do acto de que se trate cun esbozo ou descrición gráfica.
Memoria para Pintado de Fachadas
Memoria para Reformas Eléctricas en Vivendas Unifamiliares
Memoria para Substitución de Carpintería
Memoria para Substitución de Material Tellado
- No seu caso, proxecto técnico esixible legalmente e declaración do persoal técnico ou persoal técnico facultativo que autorice o proxecto de que este cumpre en todos os seus extremos coa ordenación urbanística de aplicación.
- Orzamento detallado.
- Fotografías de estado actual (previo á realización da obra) en caso de obras de reparación.
- Copia das restantes autorizacións e, no seu caso, concesións administrativas cando fosen legalmente esixibles ao solicitante, ou acreditación de haberse solicitado o seu outorgamento.
- Documento de avaliación ambiental, si é o caso.
- Copia da autorización ou ditame ambiental, así como das restantes autorizacións, concesións ou informes sectoriais cando fosen legalmente esixibles.
- Xustificante de pago de TAXA e ICIO
- Plan Xeral de Ordenación Municipal.
- Modificación Puntual do PXOM.
- Ordenanza fiscal reguladora do imposto sobre construcións, instalacións e obras.
- Ordenanza fiscal reguladora da taxa por expedición de licenzas urbanísticas, declaración responsable ou comunicación previa.
-
Decreto 143/2016, do 22 de setembro, polo que se aproba o Regulamento da Lei 2/2016, do 10 de febreiro, do solo de Galicia
-
Lei 2/2016, do 10 de febreiro, do Solo de Galicia.
-
Lei 9/2013, de 19 de decembro, do emprendemento e da competitividade económica de Galicia.
-
Real Decreto Lexislativo 7/2015, do 30 de outubro, polo que se aproba o Texto Refundido da Lei do Solo e Rehabilitación Urbana.
Nome: Comunicación Previa de Obra.
Unidade tramitadora: Urbanismo.
Inicio do procedemento: A instancia de parte.
Tipo de interesado: Persoa física ou xurídica
Taxas/impostos: Consultar ordenanzas fiscais do apartado de normativa.
Canles de atención: Telemático (Iniciar trámite).
Presencial.
